Ngayon niya napatunayan na kahit hindi na pala siya mahal nito, gagawa pa rin siya ng paraan para muling ipaalala rito ang dating nadarama nito sa kanya
Unang kita pa lang ni Wenggay kay Zeke ay humanga na siya rito, lalo na kapag ngumingiti ito. Makita lang niya ang pamatay na dimples nito ay kandaloka na ang puso niya! Sa batang edad ay natuto siyang magmahal. Dito niya naramdaman na masarap palang humanga, napakagaan sa pakiramdam.
Naging inspirasyon ito ni Wenggay sa pag-aaral at sa lahat ng gawain. Pero umabot sa puntong sumobra na siya sa paghanga rito. Tumindi ang mga ginagawa niyang pagpapansin hanggang sa nakasakit siya ng ibang tao. Dahil doon ay nagalit si Zeke sa kanya. Sa galit ay nasabi nito ang mga bagay na dumurog sa bata niyang puso. Dahil sa labis na pagkapahiya at sakit ay lumipat siya ng eskuwelahan at nawalan na ng balita rito.
Makalipas ang sampung taon ay muli silang nagkita. Malaki na ang naging pagbabago niya. Nabaligtad ang sitwasyon dahil ito na ang parang natuturete tuwing kaharap siya. Halata sa mga mata nito ang paghangang matagal niyang inasam. Pero paano na? Hindi na siya ang dating trese anyos na dalagitang hahabol-habol dito. At isa pa, may Sadeek na sa buhay niya