Hey, cool down. Hindi inaaway ang katawan kong ito, nilalambing `to.

Sa una pa lamang ay malaki na ang disgusto ni Naya Millan kay Dillon Devantes. Manloloko raw kasi ang binata, tulad ng dating kasintahan niya. Kaya nang mag-offer ito ng friendship ay tinanggihan niya. Sa kabila niyon ay bigla na lamang itong sumusulpot sa paligid niya.
Pero kung gaano kabilis na nabuo ang pagkayamot ni Naya sa binata, ganoon din iyon kabilis na natunaw nang makita na niya ang totoong pagkatao nito.
Pero may isang sekreto pala si Dillon Devantes na siyang susubok sa lumalalim na samahan nila. Isang sekreto na magiging daan para malaman niya kung gaano na kahalaga sa kanya ang binata.
Naghihintay na lamang si Naya ng tamang tiyempo kung kailan masasabi na niya ang lihim ng kanyang kaibuturan, nang out of the blue, ay makita niya ang isang babaeng kamukhang-kamukha niya.
Ano ang kinalaman ng babae sa kanila ni Dillon?