“Attracted na ako sa `yo unang pagkikita pa lang natin… And that attraction developed into something deeper, something subtle, and something I had never felt before.”

Nang alukin si Alena ng napakalaking pera ni Quentin Labrador para maging tutor-nanny ng pamangkin nitong si Marney, walang pagdadalawang-isip na iniwan niya ang pagiging substitute teacher. Sa isip niya, mas madaling i-handle ang isang bata kaysa sa isang buong classroom. And how wrong she was. Napakapasaway ng magiging alaga niya! At hindi lamang iyon, dumadagdag pa sa sakit ng ulo niya si Quentin na panay ang pagfi-flirt sa kanya. Paano niya magagawang tanggihan ang guwapong lalaki na panay ang pang-aakit sa kanya sa pamamagitan ng killer abs na palaging idini-display nito?
Hindi niya alam kung kanino siya mas hindi tatagal: kay Marney ba na lagi na lamang pinapainit ang ulo niya, o kay Quentin na pinapainit ang buong katawan niya?