“Nagkausap tayo at naisip ko na sa wakas natagpuan ko na ang babaeng masarap kausap. Pero pagkatapos niyon parang sinapian ka at sinusungitan mo ako. Sinasadya mo ba `yon para maakit ako sa `yo?”

Pakiramdam ni Mandy ay kulang siya ng adventure sa buhay kaya pumunta siya sa Alps para mag-mountain climbing. Subalit hindi pa man nagsisimula ang adventure niya ay binulabog na siya ng isang misteryosong lalaking basta na lang sumampa sa kanyang balkonahe. Tinatakasan kasi ng lalaki ang pulis at ang asawa ng babaeng naka-date nito.
Natagpuan na lang ni Mandy ang sarili na nagpapanggap na asawa nito. At bilang ganti sa kanyang kabutihang-palad ay nakita ng misteryosong lalaki ang kanyang hubad na katawan sa nakabukang robe.
Only to find out the next morning that he was Renzo Rufino, her expedition leader. Hindi alam ni Mandy kung ano ang pakay ni Renzo sa buhay niya—ang sirain ang kanyang masayang adventure o ang tunawin ang puso niya?