Magagawa ko pa bang tumingin sa iba samantalang ikaw lang ang gusto kongtingnan... titigan... athalikan?" Nagulo ang tahimik na buhay ni Mayah kapiling ang mga kapatid at magulang nang magtagpo ang mga landas nila ni Marco na isang bampira. Nagtataglay ito ng matipunong katawan, at mga matang kasimpula ng dugo, ngunit nakakabighani kung tumitig. Isang halik lang nito ang kinailangan para maalala ni Mayah ang lahat-lahat ng tungkol sa kanyang pagkatao: siya si Roma, ang tagapagbantay sa tore ng Amianan, ang Ygnacia Escondido. Higit sa lahat, naalala ni Mayah ang pagmamahal niya kay Marco. Ang poot at ligayang dulot ng pagmamahal ay damang-dama pa rin ni Mayah. Kailangan niyang bumalik sa Ygnacia Escondido para matapos ang digmaan. Ngunit paano niya gagawin iyon kung alam na niya ang dahilan kung bakit siya tumakas? Paano na ang personal na misyon kung bakit kailangan niyang mamuhay bilang isang normal na tao? Kalilimutan ba niya iyon para sa pagmamahal kay Marco na nagtraydor sa kanya?