“I hope I can come back and ask for your forgiveness… I hope, too, that I can still have a place in your heart.”

Kung minsan, palabiro din ang kapalaran. Sa dinami-rami ng paraan para ma-meet ni Liezel ang Prince Charming material na si James, bakit naman kung kailan pa wala siyang ka-poise-poise habang nakatuwad sa isang supermarket? Tuloy, sa halip na compliment ang makuha niya mula rito, ito ang naging dialogue nito sa kanya: “Sana, next time na may aabutin ka sa ibaba at kailangan mong tumuwad, takpan mo ang likod mo. Kasi baka may katulad ko na makasilip ng medyo sumisilip din na kuyukot mo.”
Pero nang magkita uli sila ni James, bumawi sa kanya nang bonggang-bongga ang kapalaran. Nahumaling sa kanya ang napakaguwapo, napaka-sweet, at napaka-loving na si James. Every day with him was pure bliss. Hindi naging mahirap para sa kanya na mahalin din ito.
Pero “patikim na ligaya” lang yata ang kayang ibigay sa kanya ng kapalaran. Dahil sa huli, kailangan din nilang maghiwalay ng binata…