“Noon, hindi ko alam kung ano ang gusto ko sa buhay. Nagbago iyon nang makilala kita. Ngayon ay alam ko na kung ano ang gusto ko. I wanna be with you and spend the rest of my life loving you.”

Dahil sa mapait na karanasan sa pag-ibig na sinapit ng ate niya sa isang lalaki, natuto si Rain na huwag magtiwala sa mga kalalakihan. Ngunit nakilala niya si Ral. Tinibag nito ang pader na ginawa niya para sa sarili. And just when she was willing to trust him with all her heart, saka niya nalamang ito pala si Rafael Escobillo, ang taong kinamumuhian niya at ang dahilan ng kasawian ng ate niya sa pag-ibig.
Ayaw niyang mangyari sa kanya ang nangyari sa ate niya. Pero mukhang matutulad pa rin siya rito. Dahil sa kabila ng galit na nararamdaman niya, unti-unting nahuhulog ang loob niya kay Ral, lalo pa at nalaman niyang mali ang pagkakakilala niya sa pagkatao nito…