“Masyado lang siguro akong practical at realistic kaya ayaw kong amining mahal na kita. This is funny. Puwede palang magmahal nang mabilis?”

Problemado si Haidee. Kailangan niyang pumunta sa isang espesyal na family dinner nila. At kailangan ding kasama niya ang kanyang fiancé. Ang problema, ni boyfriend nga wala siya, fiancé pa kaya?
Kasalanan din naman niya iyon. Gumawa siya ng istorya na mayroon siyang fiancé para matahimik na ang kalooban ng kanyang stepsister na puno ng insecurity sa katawan. Palibhasa, ang lalaking pinakasalan nito ay ang ex-boyfriend niya.
It was a good thing that Haidee met Tim Ongpauco again, ang Instik na schoolmate niya noong college. Ang lalaking puro pimples ang mukha noon ay guwapo na ngayon. Hiniling niya kay Tim na umakto bilang boyfriend niya at pumayag naman ito. Fortunately, pareho silang miyembro ng theater club noon. Maning-mani lang sa kanila ang magpanggap na magkarelasyon.
Pero kalaunan, lalo na nang matikman niya ang halik ni Tim, parang ayaw na niyang matapos ang pagpapanggap nila.