“You made me fall in love in you in what? Fifteen minutes?”

Para kay Randymara, hindi lang isang best friend si Trick. She also considered him as her lover. She dreamt of him being her boyfriend. Pero sa imagination niya lang iyon. Dahil alam niyang mas type ng binata ang pinakamatalik nitong kaibigan na si Maizy.
Maizy was perfect. Kaya naman bahagi na ng katawan ni Randymara ang insecurity. Pero nang bumalik si Maizy mula sa ibang bansa ay hindi na niya hinayaang mapunta uli ang atensiyon ni Trick sa dalaga. Natuto siyang makipagkompetensiya sa puso ng binata.
Pero hindi inaasahan ni Randymara na si Trick pa ang kusang lalandi sa kanya. Siyempre, hindi siya tumanggi! So they started seeing each other secretly.
Ang hindi lang sigurado ni Randymara ay kung ano ang magiging resulta ng biglaang flirtation nila sa isa’t isa. Paano kung hindi na nila maibalik ang dating pagkakaibigan? Handa man ang isip niya sa posibleng mangyari, hindi lang niya alam ang kanyang puso…