“Every time you would need me, I’m sorely tempted to move heaven and earth just to be everything you need, everything you want...”

Ipinangako ni Jannah sa sarili na hindi na siya muling magtitiwala sa mga lalaki pagkatapos niyang mahuli sa akto ang dating kasintahan. May ibang babae ito, and worse, hindi nito ikinaila iyon, leaving her alone with a broken heart.
Ngunit nang minsang na-stranded siya sa daan ay tinulungan siya ng isang lalaking nagngangalang “Marco.” Parang wala itong nais gawin kundi ang maging hero niya tuwing nalalagay siya sa alanganin. He offered friendship. Kahit natatakot siyang magtiwala ay natagpuan niya ang sariling nagpapaubaya sa mga yakap nito na para bang sa pamamagitan niyon ay mabubura ang masakit na karanasan niya sa pag-ibig. It felt so good to be in his arms. Hanggang sa tuluyang pinakinggan niya ang bulong ng kanyang puso. Minahal niya ito.
Ngunit may iba palang hinahanap ang puso nito.
Masasaktan na naman ba siya?