“In my galaxy, there’s always you and me. Where I am your Venus and you are my Mercury.”

Dahil isang poet si Lara habang musician naman si Elex, malaki ang paniniwala ni Lara na sila ay para sa isa’t isa. Puwede silang bumuo ng sarili nilang love song. Siya ang bahala sa lyrics. Si Elex ang bahala sa melody. They were so meant to be. Ganoon sila itinakda ng tadhana.
Pero dahil nababagalan na si Lara, nagdesisyon siyang tulungan ang tadhana. Gumawa siya ng paraan upang magkamabutihan sila ni Elex. Ang nakakatuwa, maging ang binata ay tila gumagawa rin ng sariling paraan. Kung ano-ano ang iniaalok ni Elex sa kanya na para bang pasimple siyang dinidiskartehan. Kaya nagulat si Lara nang isang araw ay nagpasulat sa kanya si Elex ng tula na puwede raw nitong lapatan ng melody at gawing kanta na ipanghaharana sa nagugustuhang babae—na hindi siya.