“Kahit sa pagtanaw lang kita naaabot, kahit sa panaginip lang kita nayayakap... Kontento na ako.”

Mahal na mahal kita. Nagkaroon ng kulay ang mundo ko dahil sa iyo. Napapasaya mo ako. Palagi akong excited na pumasok sa school knowing na makikita kita. Sulyapan at ngitian mo lang ako, buo na ang araw ko. I love you.
Iyon ang sulat na ibinigay ni Michelle kay Ace using the code name “Fair Miss.” Iyon lang ang kaya niyang gawin dahil bawal siyang makipag-boyfriend hangga’t hindi nakakapagtapos ng pag-aaral, bukod pa sa ayaw ng papa niya kay Ace. Malay ba naman niyang makakasama ang ginawang pagtatapat.
Ten years after, nagkita silang muli ni Ace—ang una at nag-iisang lalaking minahal niya. Totoo namang hindi nawala ang pagmamahal niya para dito, pati na ang sakit na idinulot nito sa puso niya. At dahil may kasabihang, “history repeats itself,” gusto niyang mas maging matalino ngayon.
Pero mahirap palang gawin iyon kung ang simpleng pag-iwas kay Ace ay hindi niya magawa. Paano rin niya pipigilan ang totoong nararamdaman kung ayaw sumunod ng kanyang puso? Mahirap man pero iyon ang dapat gawin. Dahil si Ace ay para pala sa iba…