S-sana nasabi ko man lang sa kanya na mahal ko siya. S-sana hindi ako naging duwag. S-sana sumugal ako at nagtapat.


Sabi nila, hindi raw puwedeng maging magkaibigan lang ang isang babae at isang lalaki. Dahil mahuhulog at mahuhulog daw ang isa sa isa. Tinatawanan lang iyon noon ni Denjel. She thought that was so silly. Puwede namang maging mag-best friend lang ang dalawang miyembro ng opposite sex. Tulad nila ni Toru.
Pero biniro siya ng tadhana dahil isang araw, nagising na lang si Denjel na iba na ang tibok ng kanyang puso kapag malapit sa kanya si Toru. Noon niya na-realize na… mahal na pala niya ang kaibigan. Mahal hindi bilang kaibigan, kundi mahal bilang lalaki. She had secretly fallen for him. And she fell hard.
Pero hindi na nagkaroon si Denjel ng pagkakataon na magtapat ng tunay na nararamdaman dahil nakatanggap siya ng masamang balita. Wala na raw si Toru…
Hindi maka-move on si Denjel. She was full of regrets. She was miserable. Araw-araw siyang humihiling na sana kaya niyang ibalik ang oras dahil gusto niyang sabihin kay Toru na mahal niya ito. Ah, umaasa ang puso niya sa isang bagay na imposible nang mangyari.
Until she heard a familiar voice…
“D-Denjel, ako ito.”
She wiped her tears away. Dahan-dahan siyang lumingon…