“I want you so bad that even if I have fear of heights, I had to ride that stupid Ferris wheel just to talk to you.”

Mula pa nang ipasuot kay Mei Lin ang kuwintas kung saan nakapalawit ang isang singsing ay tanggap na niyang ipapakasal siya kay Xander pagdating ng takdang panahon. Ang singsing ang simbolo na siya ang napili ng lola ng binata na ipakasal sa apo nito. Pero para kay Mei Lin, si Xander at ang kakambal niya na si Mei Yi ang dapat na ikasal dahil ang dalawa ang malapit sa isa’t isa. At alam niya na ang kakambal niya ang mahal ng binata. Kaya nang mamatay sa plane crash si Mei Yi ay ilang linggong lumuha, nagpakalasing, at nagmukmok si Xander. Kaya naman nagtaka siya na hindi tumutol si Xander na siya ang pakasalan. Wala namang problema sa kanya dahil mahal niya ang binata.

Pero ang nakikita lang pala nito sa kanya ay si Mei Yi…