“Siguro kapag true love, mamahalin mo siya kahit sa mga pagkakataong nasasaktan ka dahil sa kanya…”

First honor sa puso ng genius na si Bridgette ang school heartthrob na si Sebastian o Seb. Madalas silang magkasama dahil tutor siya ng lalaki, pero kahit ganoon ay alam niyang wala siyang pag-asa rito. Napakaraming magagandang babae ang may gusto kay Seb at sa tingin niya ay hindi pa rin ito nakaka-recover sa first love nitong si Camille. Inilihim na lang niya ang nararamdaman para kay Seb.
Pero nang ga-graduate na sila at aalis na ito patungo sa ibang bansa, nagdesisyon si Bridgette na umamin na sa totoong nararamdaman niya. Humiram siya ng confidence sa makeup at alak. On the night of her confession, they ended up making love. And after that night, pinagtaguan niya si Seb hanggang makaalis ito ng bansa.
After a few years, Seb was back. Nagbunga ang nangyari sa kanila pero walang balak si Bridgette na ipakilala si Seb sa anak nila. Natatakot siyang kunin nito ang anak sa kanya, dahil sa pelikula lang naman nai-in love ang heartthrob sa genius.
So Bridgette did what she had to do. Sinabi niya na ang beki niyang kaibigan ang tatay ng anak niya. And that was how the trouble began…