Inakala ni Clover na si Genesis na ang perfect Prince Charming na matagal na niyang hinihintay. Grabe kasing manuyo at mag-alaga ang lalaki kaya sinagot niya agad. Pero pagkalipas lang ng isang buwan, nagulat siya nang biglang nakipag-break si Genesis nang walang dahilan. Nahuli pa niya ito na may kahalikan na ibang babae! Sobrang sakit ang naramdaman ni Clover. Dahil pagkatapos niyang ibigay ang lahat, nagawa pa rin ni Genesis na saktan siya.
Sa isang iglap, biglang nagbago ang dating sweet at approachable na si Clover. Naging matigas siya at hindi basta-basta nagtitiwala sa ibang tao, lalo na sa mga lalaki. Kaya nang magkaroon silang magpipinsan ng kasunduan na hindi na babalikan ang kanilang mga dating pag-ibig, agad siyang pumayag. Sinabi pa niya na kailangang parusahan ang sino mang lalabag.
Clover tried to forget all the hurt and move on with her life. Pero isang araw, bigla na lang sumulpot si Genesis—nagmamakaawa at humihingi ng second chance. At maraming ginawa ang lalaki para maipakita na nagsisisi na ito sa nagawang kasalanan. Kaya kahit anong iwas at pagpapakita ng galit kay Genesis, unti-unti pa ring nabubuwag ang galit na matagal na inalagaan ni Clover sa kanyang puso.