Isang bagay ang hindi puwedeng gawin ni Rye—ang ma-in love kay Luis Locsin. Best friend niya ito at super close sila kaya ayaw niyang lumagpas sila roon.
Kaya nang magkaroon ng chance si Rye na magka-boyfriend ay sinunggaban niya ang pagkakataon. She met a wonderful man who loved her with all his heart. Pero dahil sa pagmamadali, natalisod siya. Hindi pala wonderful man ang nadampot niya. Niloko lang siya at ipinagpalit sa iba kung kailan handa na siyang ibigay rito ang lahat.

At siyempre, to the rescue si Luis. Inalo siya nito at tinulungang mag-move on. Sa puntong iyon, hinayaan na niya ang sariling mahulog dito. Baka nga si Luis na ang kanyang “The One.” Pero isang rebelasyon ang gumising kay Rye. May lihim na nakaugnay sa mga pagkatao nila ni Luis kaya kailangan nilang mag-good-bye sa isa’t isa.