"Ikaw ang babaeng mahirap kalimutan. Masasaktan ako kapag hindi ka sumagot ng 'oo.' Will you be my wife?"
"You're the most intelligent Subido and you're never done a single mistake."
Tumino sa isip ni Sterline ang sinabing iyon ng kanyang papa. Ngunit paano niya sasabihin dito na nagbago na ang lahat? Na mula sa mga libro ay inagaw na ang atensiyon niya ni Roderick Benjamin, ang lalaking sa unang tingin pa lang ay alam niyang hindi niya maaaring ipagmalaki sa kanyang pamilya.
Ngunit huli na ang lahat. Hindi na niya ito makalimutan. Para bang nakatagpo ito ng permanenteng tirahan sa isip at puso niya at wala nang planong umalis doon.
At ang mahirap sa lahat, palagi niyang natatagpuan ang sariling pumupunta sa bahay nito na alam niyang hindi ikatutuwa ng papa niyang heneral at ubod ng istrikto...