Na-hit-and-run ang nakababatang kapatid ni Maki. Kaya ganoon na lang ang kagustuhan niyang mahanap ang taong responsable sa pagkakaaksidente ng kapatid.
Laking gulat ni Maki nang malamang ang may-ari ng sasakyan ay si Jarret, ang kanyang ex. Noong una, niloko siya ng lalaki, ngayon naman ay tinakbuhan ang kanyang kapatid. Maniningil siya. Kaya isang gabi, sa stag party ni Jarret ay nagpanggap si Maki na stripper sa loob ng isang gift-wrapped box. Kinidnap niya ang binata at dinala sa Batangas sa mismong bisperas ng kasal nito.
Habang kasama si Jarret sa “hideout” ay na-realize ni Maki na sa kabila ng ginawa nitong pagtataksil sa kanya noon ay mahal pa rin pala niya ang binata. Sa pag-asang manunumbalik ang dating pag-ibig ni Jarret sa kanya ay ibinigay niya nang buong puso ang sarili rito. Pero sa bandang huli ay si Amaya pa rin ang pinili nitong makasama, ang babaeng ipinalit nito sa kanya noon at siyang fiancée ngayon. Bahala na si Batman dahil pipikutin na niya si Jarret!