“Gusto ko ng lalaki na mananatili sa tabi ko at aalagaan ako. Kaya mo bang maging lalaki na iyon?”


Pagkatapos makawala sa mapagsamantalang pamilya, pumunta si Yana sa Jeju Island para makasama ang Korean boyfriend na si Dong Uk.
Pero pagdating sa Jeju Island, nakita niya na may kahalikang ibang babae ang boyfriend. Gusto niya itong komprontahin pero wala siyang lakas ng loob. Kaya kumuha siya ng tapang mula sa kapangyarihan ng soju.
Sa kamalas-malasan, nahadlangan ang plano ni Yana dahil sa pakikialam ni Gideon Lee—ang guwapo, hot, pero masungit niyang ex-boss na kaibigan ni Dong Uk. Kinidnap siya nito noong mga panahong hilo na siya sa soju.
Nang mahimasmasan, isang proposal ang inalok ni Gideon. Tutulungan daw siya nitong mabawi si Dong Uk kung magpapanggap siyang girlfriend nito at titira sila sa isang bahay.
Pero maka-survive kaya si Yana sa piling ni Gideon kung ilang oras pa lang silang magkasama ay nangangatog na ang mga tuhod niya kapag tinititigan nito? At tuwing hahalikan siya ng lalaki ay parang sumasabog ang ovaries niya.
Mabigyan pa kaya siya ng tapang ng soju?