Ako si October Sera Nemeth, isang pure-blooded Silver Witch, at ang susunod na suprema ng Hertsford. Iyon ang akala ko. Hindi ko akalaing babalik si Elena, ang naunang suprema bago ang aking ina. At sa isang iglap, naibalik kay Elena ang pagiging suprema habang kami ng pamilya ko ay naisantabi.

Noon naman dumating ang prophecy na babago sa buhay naming lahat. Isang misyon ang naiutos sa akin at sa tatlo pang kapwa ko Silver Witch na magdadala sa amin sa Mougarry. Pero hindi ko akalaing dahil doon, makikilala ko si Deo—isang Mougar na nagtataglay ng essence na kailangan namin para mabuo ang plano.

Napakadali lang tapusin ang misyon. Pero tulad ng ‘law’ ng mga Alchemist, laging may kapalit kapag may gagawin kang isang bagay. Dahil nang makuha ko ang kailangan kay Deo, parang kinuha naman niya ang puso ko.

At hindi ko alam kung paano iyon babawiin sa kanya nang hindi manganganib ang kagustuhan kong maging suprema balang-araw.

Author: Bridgette Marie

Pages: 160

Binding: Paperback

Publishing Date:

Language: Tagalog

Reading level: Adult