“Ayoko sa mga alaala lang. Hindi magiging sapat ang mga iyon kahit kailan. Ikaw ang gusto kong makita sa bawat araw.”

Nangako si Christine na tutulungan niya ang pamangkin na personal na makilala ang ama nitong si Randall Castillo. Ngunit pagdating pa lamang nila sa farm ni Randall ay tahasan nang tumanggi ang lalaki na akuin ang responsibilidad sa anak.
Hindi papayag si Christine na hindi matupad ang pangarap ng pamangkin na magkaroon ng kikilalaning ama. Nangako siyang hindi sila aalis sa farm ni Randall hangga’t hindi lumalambot ang puso ng lalaki sa anak.
Ang mabigyan ng masayang tahanan lamang ang inaasam ni Christine para sa pamangkin. Ngunit habang lumilipas ang mga araw, tila nakikita na rin niya ang farm ni Randall bilang bagong tahanan. Worse, parang inaambisyon na rin ng puso niya na maging may-bahay ng tila walang-pusong lalaki.