I just want you to stay beside me from now on and stick with me like glue.

Nagmula sa mayamang pamilya si Jami. Her dad even sent her to Seoul, South Korea to study Fashion Design. Ngunit nag-three hundred sixty degrees turn ang buhay niya nang isang araw ay makatanggap siya ng balitang namatay ang daddy niya dahil sa atake sa puso at iniwan sa kanya ang sangkaterbang utang ng kompanya.
Nagdesisyon si Jami na bumalik sa Seoul para ipagpatuloy ang pag-aaral. Pero sa pagkakataong iyon ay naging mahirap na para sa kanya ang lahat. Para matustusan ang pag-aaral ay nagtrabaho siya bilang PA ni Perry Hwang, ang isa sa mga miyembro ng grupong One Day.
Pero hindi lang trabaho ang nakuha ni Jami kundi pati ang puso ni Perry. Nahulog ang loob nila sa isat isa at nagkaroon sila ng relasyon.
Ngunit kailangan nilang pansamantalang maghiwalay nang makatanggap si Jami ng scholarship sa Paris. Pagkakataon na niya iyon upang tuparin ang kanyang pangarap kaya walang pagdadalawang-isip na umalis siya sa kabila ng pagtutol ni Perry. Nangako siya sa binata na magkikita sila sa dati nilang tagpuan pagkalipas ng isang taon.
Pagkalipas ng isang taon, dumating siya sa kanilang tagpuan.
Pero hindi si Perry ang sumalubong sa kanya kundi ang balitang mayroon na itong iba.