Lahat ng tao, gustong marinig ang mga salitang “I love you.” Dahil kahit sabihin pa nilang “a kiss can tell the heart’s unspoken words,” iba pa rin ang dulot na saya ng tatlong salitang iyon.

Mayabang, masama ang ugali, feeling-matalino, at nakikialam sa nananahimik na tao. Ang mga iyon ang unang impresyong nabuo sa isip ni Bianca sa lalaking hindi pa man niya kilala ay itinuring na niyang kaaway.
Hindi pa umaabot nang isang minuto ang interaksiyon sa pagitan nila ay abot-abot na sa stratosphere ang pagkainis niya rito.
Makulit yata ang tadhana dahil sunod-sunod ang naging pagkikita nila ng lalaking iyon na napag-alaman niyang “Psyche” ang pangalan. What an odd name for a perfectly odd guy.
After a few instances na nagkita sila, bigla ay naging hobby na yata nito ang lapitan siya, maki-share ng kinakain niya, at makipag-usap na para bang matagal na silang magkakilala. Por que mapupula ang labi nito at natutukso siyang halikan ang mga iyon for curiosity’s sake ay mag-aasta na itong close sila? Hello?!
Pero naglalaro yata ang tadhana at sila ang napag-trip-an. Something unfortunate happened.
She fell in love with him.
Ngunit isang nakababatang kapatid lang ang tingin nito sa kanya.