“I don’t know anything about love but I am willing to discover the meaning of love with you. Kung anuman ang maaaring kahinatnan ng gagawin natin ay handa ko iyong tanggapin, makasama lang kita.”

Sabi ng iba, life is like a rose daw, full of thorns. Kaya ba ganoon ang peg ng buhay ni Rose Sagrado, isang simpleng dalaga na nagkamaling makadaupang-palad si Thorn Contreras—ang living “tinik” ng buhay niya? Unang pagkikita pa lang nila ng aroganteng binata ay nagdeklara na sila ng World War sa isa’t isa.
Kahit ano ang pilit nilang pag-iwas ay laging nagtatagpo ang mga landas nila. Pero parang nagpa-power trip ang tadhana sa kanila dahil isang araw ay bigla na lang tumibok ang puso nila para sa isa’t isa. Kaso, kung kailan naman nagsisimula na silang kilalanin ang isa’t isa at amining nagkakagustuhan na ay saka pa nila nalaman ang masalimuot na nakaraan ng kanilang lolo at lola. Isang nakaraang sisira sa papausbong nilang pag-iibigan.
Bigla tuloy naisip ni Rose na sana nga, “life is full of thorns” na lang. Para hindi man maging sila ni Thorn, may iba pa siyang makilalang “tinik” sa buhay niya. Kaso, ang lakas talagang mang-bad trip ng tadhana.
Dahil iisang thorn lang pala ang kayang kilalanin ng puso niya…