“I can’t imagine what I’ll do without you. You may be crazy at times but that still won’t stop me from loving you.”

Matagal nang hinahangaan ni Zia si Denver kahit hindi pa niya nakikita ito. Ang mga tula kasing ginawa nito ang nagbigay ng pag-asa sa kanya nang mamatay ang kanyang mga magulang. Ngunit nang malaman ng lalaki ang tungkol sa paghanga niya, tila nainis ito kay Zia. Mukha ring may gusto si Denver sa napakagandang pinsan niya na si Charlene.
Inisip niyang iwasan na lang ito. Ngunit nang mapahamak si Zia, si Denver ang nagligtas sa buhay niya. Tuloy, nasaksak ito dahil doon. Para makabawi siya, inalagaan ni Zia ang binata habang nagpapagaling ito. Unti-unti ay nagkalapit sila. Kumilos ito na tila interesado sa kanya nang higit pa sa isang kaibigan. Matutuwa na sana si Zia, pero nalaman niyang niyaya na naman ni Denver na mag-date ang pinsan niya…