“Wala naman talagang basehan ang pagmamahal. Basta mararamdaman mo na lang na komportable kang mabuhay kahit mawala na ang lahat basta nasa tabi mo lang ang taong iyon.”
Rinding-rindi na si Myra sa mga hinaing ng best friend niyang si Alvin tungkol sa magulong love life nito, lalo pa at tuwing nagkukuwento ang lalaki, nasasaktan siya. Matagal na kasi niyang minamahal ang best friend niya nang lihim. Masyadong mahabang panahon na ang hinintay ni Myra para mapansin siya ni Alvin at hindi iyon nangyari at mukhang hindi na mangyayari. Finally, she decided to move on and find herself another love.
Ngunit nakakaisang date pa lang ay hinarang na siya ni Alvin at pinagbawalang mag-boyfriend. Tila nagseselos ang binata. Diyata’t sa wakas ay na-in love na ang best friend kay Myra?