She experienced paradise with him. Kahit ano ang gawin nito ay napapangiti siya. Ipinaramdam nitong hindi mahirap maging masaya.

Umuwi sa Pilipinas si Billie Anne upang magbakasyon at muling buuin ang sarili dahil sa dinanas niyang pinaka- malaking eskandalo sa buhay niya. Pero hanggang sa Pilipinas ay sinusundan siya ng mga reporter na walang ginawa kundi batuhin siya ng mga nakakainsultong tanong.
Nagpunta siya sa isang beach resort sa Batangas dahil na rin sa suhestiyon ng lola niya. Doon niya nakilala si Jed.
Every moment with Jed was fun. Alam nito kung paano pagaanin ang loob niya. He was like a hero. Kaya hindi niya napigilang magkaroon ng pagtingin para dito. Because she thought she was saved by him.
Subalit isa palang kasinungalingan ang lahat. Hindi pala totoo si Jed. Ang tanging totoo ay plano nitong paibigin siya upang maisalba ang magazine nito. Muling nadurog ang puso niya. Dahil nagtiwala siya sa isang huwad na akala niyang mahal siya.