“From now on, I’ll only listen to my heart and to you.”

A childhood crush. Doon nagsimula ang lahat-lahat. Chloe fell in love with her best friend’s brother, Shenald Nazarine Garcines. Iyon ang unang beses na nakaramdam siya ng ganoon. Kahit bata pa siya, sigurado siyang ito lang ang lalaki para sa kanya. Ginawa niya ang lahat mapansin lang siya nito.
Hindi siya nagdalawang-isip, niligawan niya ito. Hindi naman nasayang ang effort niya dahil napansin siya nito. Batid niyang may nararamdaman din ito para sa kanya dahil kung wala ay hindi siya hahalikan nito.
Ayos na sana ang lahat kung hindi lang umeksena ang kanyang istriktong ama. Pagkatapos niyon ay bigla na lang nawala si Shenald.
Ngayon, pagkatapos ng mahabang panahon ay nagbalik ito. Ganoon pa rin ang epekto nito sa kanya. Pero kaya na kaya nitong harapin ang daddy niya at ipaglaban siya?