May stalker ang kaibigan ni Joan na si Nikky pero mukhang nakahanda pa itong magpa-stalk, lalo at guwapo ang lalaking bubuntut-buntot dito.
Psych major siya at kumukuha ng masteral degree sa naturang kurso kaya pinakiusapan siya nito na alamin nila kung ano ang pagkatao ng lalaki. Para huwag malagay ito sa peligro ay pumayag siya.
Sa pagkilatis niya sa lalaking nakilala niyang si Dexter ay dalawa ang natuklasan niya: Una, walang-wala sa kilos nito na may sayad ito sa pag-iisip. Pangalawa, hindi lang ito mukhang normal, para ding katakam-takam ito.
Huli na nang mapansin niyang nahuhulog na pala ang loob niya rito. At nawari niya, siya siguro ang may sayad dahil alam naman niyang si Nikky ang type nito pero gusto pa niyang umeksena.
She was no snake kaya siya na rin ang kusang lumayo. Iyon ay kahit parang sinagasaan ng dump truck ang puso niya.