“Love is a gamble. Hindi mo alam kung magiging happily ever after ang lahat o tragic ang ending. At kung ikaw ang magiging premyo ko sa pagsugal ko, handa akong itaya ang lahat ng nararamdaman ko.”
Alam ni Lupe na inaabangan ng mga kaibigan nila ang love story nila ni Jake. After all, sila lang ni Jake ang natitirang dapat ay magkapareha. Lingid sa kaalaman ng mga ito ay matagal nang may namamagitan sa kanila ng binata. Ngunit pinili nilang ilihim iyon dahil pareho naman silang hindi pa sigurado sa kanilang sarili. Para lang silang may kasunduan, but there were no strings attached.
Pero sa bawat pagdaan ng mga araw ay may isang bagay na lalong nagiging malinaw kay Lupe. She was falling for Jake at wala iyon sa kasunduan nila.
Kasimbilis din ba ng pagiging malapit nila sa isa’t isa ang magiging ending ng kuwento nilang dalawa?