Get married, have kids and live happily ever after—iyon ang goal ni Ice sa buhay. Pero malabong mangyari iyon dahil laging nakasunod sa kanya ang living nightmare niya na si Jason Ryan. Ayaw siyang patahimikin. Ayaw siyang tantanan.
Frenemy niya si Jason. More enemy than friend. Bitter kasi si Ice dahil akala niya ay may patutunguhan ang MU nila noon. Iyon pala ay iiwan lang siya ng binata sa ere.
Kaya gayon na lang ang pagkagulat ni Ice nang pagkatapos ng libo-libong paratang na sinabi niya sa guwapong si Jason Ryan ay gumanti ang binata. May ninakaw raw siya mula rito noon and now he wanted it back.
Kasinlalim ng Mariana Trench ang gatla sa noo ni Ice nang marinig ang akusasyon ni Jason. Siya, may ninakaw? Ano ang pinagsasasabi ng lalaki?
Pero ganoon na lang ang pagkagulat—at pagkakilig—ni Ice nang malaman kung ano iyong “ninakaw” niya. Isang bagay na nagbigay sa kanya ng pag-asa para makamit ang kanyang happily ever after…