“I don’t know why I felt the urge to kiss you. Ang alam ko lang, kapag hindi ko ginawa `yon ay magsisisi ako habang-buhay.”

Bata pa lang si Rhada ay handa na siyang tumandang dalaga kagaya ng tatlo niyang tiyahin na nagpalaki sa kanya. Ni hindi na nga pumasok sa isip niya na magkakaroon pa siya ng love life. Pero isang linggo bago ang kanyang kaarawan ay nagbitiw ng salita ang kaibigan niyang si Pepper. Ayon dito, ang lalaking makakabangga niya sa araw ng kanyang birthday ay ang lalaking makakatuluyan niya, at tila nagdilang-anghel nga ang kaibigan.
Nakabangga ni Rhada ang lalaking nakaagaw ng kanyang atensiyon—si Tyler Sandoval. Ito na yata ang lalaking may pinakamagandang boses, magandang pares ng mata at may pinakamagandang katawan na nakilala niya sa buong buhay niya. Mukhang magbabago na ang kanyang pananaw pagdating sa pag-ibig. Will she give it a try—to fall in love this time?