“I know even back then that I’ll always want to give you the world if it was possible. Lumipas na ang mahabang panahon, pero ganoon pa rin ang nararamdaman ko para sa `yo.”

Malaki ang problema ni Madi—“Madeline Puerto” sa kanyang fans at bashers sa mundo ng showbiz, “Magdalena Purisima” sa mga nakakakilala sa kanya noong kulay-uling pa ang kanyang balat—at mas malala pa iyon kaysa sa pagkasangkot sa isang panibagong scandal.
Engaged na ang kanyang best friend at tanging lalaking idinambana sa kanyang puso mula pa noong high school. Pakiramdam ni Madi ay gumuho ang kanyang mundo.
Nasa gitna siya ng matinding kalungkutan nang muling umentra sa kanyang buhay si Pol, na noong eight years old pa lang ay wala nang sawa sa pagpapahayag ng pagsinta sa kanya. Hindi si Pol ang pinangarap ni Madi na maging leading man sa totoong buhay. Dahil bukod sa makulit ay mas bata ito sa kanya.
Pero bakit nang hindi sinasadyang mahalikan niya si Pol ay gusto pa niya ng isa? At bakit ang binata ang una niyang hinahanap kapag bumabagsak ang magulo niyang mundo?