“I can always wait. Handa akong maghintay hanggang sa dumating ang panahon na kaya mo nang sabihin na mahal mo din ako.”

Si Ana Delos Reyes na siguro ang pinaka-average na babae na pwedeng makilala sa campus nila. Hindi siya kagandahan, hindi matalino, at lalong hindi talented. In short, ordinaryo talaga.
Pero nang makasama niya sa pag-aayos ng isang org event ang almost perfect guy na si Gavin Ibarra, ang lalaking first year pa lamang ay tinik na sa college life ni Ana, nagbago ang tingin niya sa napakaraming bagay sa buhay. For once in her life, natuto siyang magtiwala sa sarili nang dahil kay Gavin. Natuto siyang kalimutan ang takot para gawin ang mga bagay na matagal na niyang gustong gawin. Higit pa roon, natutunan niya sa unang pagkakataon kung gaano kasarap ang magmahal at mahalin.
Okay na sana ang lahat kung hindi lang dumating sa buhay nila si Jovel, ang pinsan ni Ana, ang source ng lahat ng insecurity niya sa buhay. Sa pagdating nito, muling nanumbalik kay Ana ang lahat ng takot at insecurity na mayroon sa puso niya. Ang masama pa, dahil na rin sa mga negatibong pakiramdam na iyon, itinulak niya palayo si Gavin na labis niyang pinagsisihan.
May magawa pa kaya siya para maibalik sa dati ang lahat?