“Kung gusto mo, ‘a lifetime with me’ na lang ang ibayad mo sa utang mo.”

Tanging si Rona ang sanay na sanay na sa paiba-ibang ugali ni Kael, ang kanyang pansamantalang boss sa Twin’s Modeling Agency. Kahit daig pa ng binata ang babae kung mag-tantrums at mood swings ay keri ng beauty niya. Ang tanging papel niya ay sundin ang lahat ng pinag-uutos ng binata na may kinalaman sa trabaho.
Pero hindi kasama sa job description ni Rona ang pag-aalaga kay Kael tuwing may sakit ito. Hindi rin siya nasabihan tungkol sa pag-aalaga, paglalambing, pagyakap, at paghalik sa kanya ng kanyang boss. At lalong hindi niya inaasahan ang pagmamahal na mararamdaman sa binata.
Mali mang sundin ang puso ay hindi inalintana ni Rona ang sinasabi ng kanyang isip. Ang tanging alam niya ay ang maging masaya sa piling ni Kael. Because he was the only man who showed her how beautiful the world was and how wonderful love was. But she never expected that the same person who made her feel so special was also the same person who would make her feel the greatest pain.
Dahil ang lahat ng ipinakita ni Kael ay hindi pala pag-ibig ang dahilan kundi awa lamang. Ang pagdurog nito sa kanyang puso ay napakasakit na parang ayaw na niyang mabuhay pa.