“Pakinggan mo ang tibok ng puso ko. Ikaw ang itinitibok nito. Ikaw lang.”

Mga bata pa lang sila ay itinatangi na ng puso ni Bernadette si Art. Si Art naman ay sumumpa na pakakasalan siya nito paglaki nila.
Ngunit, palibhasa mayaman, ipinagkasundong ipakasal si Art ng mga magulang nito sa isang kauri nito, si Dominique. Ang pinakamasakit sa lahat, mahal ni Art ang babae. Noon niya napagtanto na hanggang sa pangarap na lang niya ito maaaring ibigin.
Ngunit may ibang balak ang tadhana para sa kanila. Ipinagpalit ni Dominique si Art sa ambisyon nitong maging isang modelo at iniwan ang binata. At isang araw, may nangyari sa kanila ni Art na naging daan upang pakasalan siya nito.
Sa wakas ay nagkaroon na rin ng katuparan ang pangarap niya. Ngunit nagkamali siya. Kasal lang pala ang nakuha niya rito dahil ang puso nito ay pag-aari pa rin pala ni Dominique…