“Nasasaktan ako kapag binabale-wala mo ako, kapag nakatingin ka sa iba, at kapag iniisip ko na hindi na kita makikita.”

The heart remembers—iyon ang kasabihang pumasok sa isip ni Alex nang masilayan ang mukha ni Jann Henson Montenegro. Nang magising siya mula sa comatose state sanhi diumano ng pagkakasangkot sa isang aksidente, nagising siyang walang maalala. Ang tanging pamilyar sa kanya ay ang malakas na pintig ng kanyang puso tuwing masisilayan ang saksakan ng gwapong mukha ng nagpakilalang asawa raw niya—ang bathala ng mga sumpungin. Pero mukhang nagkamali yata siya ng pinakasalan. Topakin kasi ang lalaki. Pero hindi rin naman niya maitatanggi sa sarili na kinikilig siya kapag sinusumpong na ito ng ka-sweet-an.

Ang masakit lang, kung kailan natanggap na ni Alex sa sariling mapalad siya na maging asawa ni Henson at maranasang mahalin nito, saka naman bumalik ang pira-pirasong alaalang nagsasabing hindi ito ang dapat niyang napangasawa. Paano na?