“You’ve been weaving magic in my life since the day I met you.”

May kasunduan si Malou at ang kaibigan niyang si Harry bago ito namatay na gagamitin niya ang sperm na inilagak nito sa sperm bank. Puwede niyang hindi sundin ang death wish nito kung makakahanap siya ng matinong boyfriend sa loob ng anim na buwan pagkawala nito. Ang kaso ay minamalas yata siya dahil mailap ang lalaking nakalaan sa kanya. Kaya tinupad na lang niya ang pangako sa kaibigan.
Walang problema roon. She desperately wanted a baby.
Ngunit bigla niyang nakilala si Odie. Pinatunayan nito sa kanya ang sarili. Ipinadama nito sa kanya ang pagmamahal na matagal nang naging mailap sa kanya. She was walking on cloud nine—isang bagay na hindi na niya inaasahang mangyayari pa sa kanya sa piling ng isang lalaki.
Pero kailangan na niyang ipagtapat dito ang lahat. Kung tatanggapin pa rin siya nito pagkatapos niyon ay ito lang ang makapagsasabi.