“Those guys you said jilted you didn’t know what they were losing. Pero mabuti na lang at binasted ka nila dahil kung hindi, paano ka magiging akin?”

Sawa na si Annie na masawi sa pag-ibig. Kaya pagkatapos ng huling hindi magandang karanasan niya ay nagpasya siyang magbakasyon muna sa isang isla.
Wala na siyang balak umibig, kaya maliban sa pagtulong na mailigtas ang buhay ni Gordon—ang macho at katakam- takam na hombre na natagpuan niyang walang malay sa dalampasigan—ay handa siyang dead-ma-hin ito. Ang hindi niya inasahan ay ang naramdaman niya pagkatapos niyang matitigan ito.
Pero susupilin na niya ang damdaming iyon para hindi na yumabong. Makakalimutan din niya ito, tiyak niya.
Ngunit mukhang may ibang balak ang kapalaran sa kanila dahil nang pareho na silang nakaalis ng isla, pinagtagpo uli sila niyon. And what she was trying to avoid happened. She fell in love with Gordon. Ang kaso, kagaya ng ibang lalaking hinabul-habol niya, tila hindi mutual ang damdamin nila.
Magiging luhaan na naman ba siya?