Magaling na journalist si Jaco. Bukod pa roon, guwapo ito at maraming fans. Walang babaeng tatanggi na maging kapitbahay ang binata.
But not Jillian.
Para sa kanya ay walang kahanga-hanga sa lalaking araw-araw ay iba-ibang babae ang iniuuwi. Higit sa lahat, isa itong paasa extraordinaire. Sa katunayan ay nabiktima siya nito noon. Kaya isinumpa niya na hinding-hindi siya mahuhumaling kay Jaco—hindi na uli.
Sa tindi ng inis sa binata ay palihim niyang sinasabotahe ang mga nagiging relasyon nito. It was her way of taking revenge. Panatag naman siyang hindi gaganti si Jaco dahil may iniingatan itong reputasyon. How wrong she was.
Hanep kung gumanti si Jaco—blinackmail siya at ginawang alipin!
Pero habang tumatagal, may napapansin si Jillian. Bakit sa lahat naman ng nang-aalipin, si Jaco lang ang sweet? At nang kailanganin niya ng pretend boyfriend, nag-volunteer agad ito—at hindi raw siya puwedeng tumanggi.
Sa galing ni Jaco na magpanggap, parang gusto na niyang maniwala na may ulterior motive ito sa lahat ng ginagawa: may gusto ito sa kanya.
Pero pinaasa na siya ni Jaco noon, aasa na naman ba siya ngayon?