“Late ka na. Nauna na `kong manligaw sa `yo.”

Isang imposibleng misyon ang ibinigay kay Daniel ng may-ari ng hacienda na pinagtatrabahuhan niya: ang turuan ng leksiyon at hawaan ng kabaitan ang nagrerebelde nitong anak.
Paano iyon gagawin si Daniel? Phoebe Sandoval was a certified brat. Ayaw sa maputik, masikip, at maiinit na lugar. Reklamador, maarte, at sumpungin. Higit sa lahat, ayaw nito sa mga pobre. Kaya nagrebelde ito nang mag-asawa uli ang ama ng isang ordinaryong mananahi lang.
Dahil sa bilin ng ama ni Phoebe, tinuruan ni Daniel ang babae ng mga gawaing-bahay. At habang tumatagal ang pagkakasama nila, na-realize ni Daniel na mahirap hawaan ng kabaitan ang isang babaeng tulad ni Phoebe. Mahirap din itong abutin. Pero ang mas mahirap ay ang pilitin ang sarili niyang huwag itong mahalin…