Ni-reject ng girlfriend niyang actress ang marriage proposal ni Clay. Worse, nakipag-break na rin ito nang tuluyan at ipinagpalit siya sa direktor na nagkataong binabayaran niya para tulungan si Eliza na umangat ang showbiz career. Depressed at brokenhearted, ang huling gusto niya ay iyong may aali-aligid na asungot.
Pero reyna yata ng kakulitan si Luna, ang BFF ng sis niya at self-confessed fangirl ng “love team” nila ni Eliza. Ayaw siyang tantanan ni Luna hangga’t hindi siya pumapayag na tulungan nitong i-win back ang puso ng kanyang ex.
Natagpuan na lang ni Clay ang sarili na karay-karay ni Luna sa mga shooting at mall shows ni Eliza. Pero dahil palagi silang magkasama, nag-iba ang tingin niya sa kanyang fangirl. Parang lalo itong gumaganda sa kanyang paningin. Nae-enjoy na rin niya ang company nito.
Suddenly, ang asungot na fangirl, gusto na yata niyang maka-love team in real life…