“Sometimes waiting is the hardest thing to do. Pero kung ang katumbas ng paghihintay ay ang makasama ka, habang-buhay akong handang maghintay.”

Secretary. Matalik na kaibigan. Iyan ang mga papel ni Glenda sa buhay ni Darius, ang lalaking mahal niya. Pero nang maaksidente si Darius at mangailangan ng mapapangasawa—isang babaeng mapagkakatiwalaang pangalagaan ang lahat ng ari-arian nito habang nasa ibang bansa at nagpapagaling—hindi inakala ni Glenda na siya ang aalukin ng kaibigan.
Nakuha niya ang papel sa buhay ni Darius na noon ay pinapangarap lang niya. Pero kahit dala na niya ang apelyido ni Darius, mukhang hindi pa rin niya nakukuha ang puso nito.
“Maraming salamat sa pagiging napakabuting kaibigan, Gleny.”
Gusto niyang maiyak. Tama si Darius. Isa siyang mabuting kaibigan.
Kaibigan lang.