“Wala naman akong pakialam sa opinyon ng iba. `Yong taong gusto ko na gusto rin ako ang nagma-matter sa akin.”

Todo ingat sa pagbabantay sa kanyang puso si Piel para hindi iyon mahulog kay Kaloy na childhood crush niya.
Maraming dahilan para huwag mahalin si Kaloy. Bukod sa playboy ang guwapong bassist ng bandang Electric, paano siya magkakaroon ng peace of mind kung ang magiging boyfriend niya ay may one hundred thousand female followers sa Twitter? Ngunit ang pinakamalaking dahilan ay ang pagtutol ng kanyang ate at pinsan na minsang niligawan ni Kaloy. Paluluhain lang daw siya ng binata.
Pero paanong hindi malulusaw ang puso ni Piel kung bigla siyang binirahan ni Kaloy ng mga katagang: “Kung pwede, huwag mo naman akong iwan!” At kasabay niyon ay ang pagluha nito.
Teka, siya, iiyakan ng isang Kaloy Villonco? Parang ang haba naman ng hair niya na kahit isang dosenang sachet ng shampoo ay kukulangin!