Ano ba ang logical na paliwanag sa pagtawid ko ng dagat antimano, pagkarinig ko lang na may problema ka? Ano ba ang logical na paliwanag na basta pagdating sa `yo, nakakalimutan ko ang lahat?

Mga bata pa lang sila ay isang kaibigan na ang turing ni Isabela kay Nunzio. Si Nunzio ang tinaguriang buntot niya ng kanyang mga kaibigan dahil sunod nang sunod sa kanya saan man siya magtungo. He became her best friend. Through the years, Nunzio saw her struggles and was always there for her.
Hanggang sa sumapit ang sandaling kailangang pakawalan ni Isabela ang mga pangarap na binuo noon pa man, kasama ang lalaking inakala niyang magiging kabiyak. Ngunit nanatili lang sa tabi niya si Nunzio at natanto niyang ito ang lalaking nais niyang makasama sa habang-panahon.
Ngunit sa tagal ng panahong nagdaan, paano pa niya magagawang paniwalain si Nunzio na ito ang mahal niya lalo na at mayroon na rin itong nobya ngayon?