“Iba ang importante sa special. Maraming tao ang importante sa akin, pero iisa lang ang special. Ikaw.”

Bata pa lang ay pangarap na ni Regine ang maging isang pulis dahil gusto niyang sundan ang yapak ng kanyang Kuya Mauricio. Gusto rin niya ang thrill at excitement na nilalabanan ang masasamang-loob at mga kalaban ng batas.
Kaya lang, wala pa nga siyang first task ay isang napabalitang “notorious suspect” sa isang krimen na ang nakaengkwentro niya—ang ubod ng simpatiko at ex-military na si Brandon Aragon. Ang masaklap pa ay nagkasama sila sa isang lugar na tanging sila lang ang naroon.
Brandon was a man full of mystery na laging ikinakaila ang ibinibintang dito ng mundo. At hindi alam ni Regine kung katatakutan ba ang lalaki na walang ibang ginawa kundi ang alagaan siya at bigyan ng espesyal na pagtingin habang sila ay magkasama.
Hindi handa si Regine na makasama si Brandon. Pero lalong hindi siya handa na mahulog ang loob sa binata.