“Hindi ko makita ang sarili ko sa hinaharap na wala ka sa tabi ko. Ikaw lang ang nakikita kong iibigin ko, at ang makakasama ko sa pagtanda.”

Noong unang nakaengkuwentro ni Paris si Caleb ay noong basta na lang itong pumasok sa condo unit niya. May humahabol daw ditong tatlong lalaki kaya napilitan itong magtago roon. Nang ikalawang beses ay sa isang club sila nagkita kung saan ay male stripper ito. At ang ikatlo ay sa isang resort kung saan ay gardener naman ito!
Alam ni Paris na may itinatago si Caleb sa pagkatao nito, at aalamin niya kung ano iyon.
Habang tinutuklas iyon, natuklasan din niya na may kakayahan pala siyang umibig, at iyon ay naramdaman niya sa misteryosong si Caleb. Isinantabi na lamang niya ang agam-agam sa dibdib at hinayaan ang puso niyang ibigin ito.
Ngunit kung kailan masaya na siya sa piling nito ay saka nabunyag ang lihim na pagkatao nito. Isang lihim na may kinalaman sa kanyang masalimuot na nakaraan at nagbabadyang magpabago sa kanyang kasalukuyan at kinabukasan…