Hindi kayang pantayan ng kahit sinong babae ang nararamdaman kong pag-ibig sa `yo.

Aksidente at hindi sinasadya ang kasal nina Cyrah at Alec. Ngunit sinamantala iyon ni Cyrah upang paibigin ang binatang matagal nang nilalaman ng kanyang puso. Sa halip, ang nakuha niya rito ay matinding galit at pagkasuklam. Iniwan at inabandona pa siya nito pagkatapos ng kanilang kasal.
Nag-iwan iyon ng malaking sakit sa kanyang pagkatao at pagkababae. Subalit bumangon siya at binago ang kanyang buhay at sarili. Saka naman bumalik si Alec galing ng Amerika pagkatapos ng pitong taon.
Ang buong akala niya ay bumalik ito upang ipa-annul ang kanilang kasal. Pero iba ang nangyari. Tila ayaw nitong pakawalan siya. Nagseselos din ito sa isang lalaking nagpadama sa kanya ng pag-ibig at pagpapahalaga na hindi nito naibigay sa kanya noon.
Ang masaklap, napagtanto niyang mahal pa rin niya ito. Tama bang umasa uli sa pag-ibig nito? At kung sakali, handa ba siyang masaktan uli?