Mahal kita, period, no erase, tapon-susi! Mahal kita!

Pagkatapos ng labintatlong taon, muling nagbalik sa bayan ng Loberiano si Helen upang samahan ang pamangkin sa Family Week ng school nito. Sa kanyang pagbabalik, muling nagdagsaan ang lahat ng alaala ng nakaraan
Thirteen years ago, Helen was a bully. Everyone feared her. Maliban sa isa. Kay Andrew na isang malaking tinik sa buhay niya. Paanoy lagi itong kumokontra sa lahat ng kalokohan niya. Lagi nitong nakikita ang mga kamalian niya. Kung siguro marunong lang siyang mangkulam, matagal na niyang kinulam ang lalaki.
At ginayuma.
Si Andrew ang buhay na pakahulugan ni Helen sa saying na The more you hate, the more you love. Si Andrew ang nawawalang prinsipe ng natatagong prinsesa ng puso niya. Si Andrew ang puto sa dinuguan, ang siyang sinag sa karimlan
But he broke her young heart thirteen years ago.
Maiba kaya ang kapalaran niya ngayon?
Ngunit paano siya magkakapag-asa kay Andrew samantalang sapat na ang pangalan niyang Helen Del Mundo Soriano upang hindi siya nito mahalin?